طرقى الخاصه جدا للوصول للوزن المثالى

كيفك حبيباتى
انا عارفه ان اصعب حاجه ف الدنيا انك تستمرى على نظام رجيم لذلك فكرت اكتب لكم طرقى ف المحافظه على الرجيم
1- هاتى ورقه
2- اكتبى هدفك عايزه تخسي كام كيلو وقسميهم على مراحل
3-لو كنتى من قبل رفيعه وعندك صوره ليكى علاقيها هى كمان على الورقه ولو كنتى لسه اول مره تعملى رجيم اكيد عندك لبس مش جاى مقاسك طلعيه وعلاقيه ف الدولاب علشان تشوفيه علطول
4-ودى اهم حاجه حددى النظام الغذائى اللى هتتبعيه وحذارى من الانظمع الكيميائيه اختارى نظام يكون فيه هرم غذائى يعنى كل المكونات وكمان يكون فيه اختيارات كتير علشان متعقديش نفسك {هنزل نظامى ف الاخر}
يعرض على قناة الحياه المصريه اللى بالون الاحمر برنامج العياده كل يوم سبت الساعه 1 بتوقيت السعوديه والمقدم هو الدكتور بهاء ناجى استشاري السمنه ويعرض كل اسبوع برنامج رجيم مختلف
5-حددى المده المقترحه لنزول الوزن تبعا للنظام اللى اختارتيه طبعا بالتقريب يعنى على اقل وزن ممكن تنزليه حتى لا تحبطى
6-الرياضه اكيد نظامك هيكون فيه رياضه مانتى مش هتخسي كده بالدعاء يعنى
علشان تلتزمى بالرياضه لو كنتى بتشتغلى اظبطى المنبه بدرى نصف ساعه بس مش هتاثر اوى ف مده نومك
لو كنتى قاعده ف البيت ممكن نستغل التليفزيون فيه برامج بتيجى ع التليفزيون الصباح بيعملوه فيها فكره رياضيه 10 دقايق اظبطى منبهك عليها ف الاول
مثلا على قناة انفنيتى الاماراتيه كل يوم من الاحد الى الخميس ف برنامج احلى صباح فكره رياضيه مع مدربه الساعه 10 بتوقيت السعوديه
لو مش كده تمارين البطن اعمليها وانتى لسه على السرير علشان تريحى بالك ونستغل المسلسل اللى بتحبيه انك تعملى شوية مشى ف المكان وهو شغال
7- يوم الامتحان
قصدى يوم الميزان اكتبى وزنك قبل الاسبوع ووزنك بعد الوزن وكلمه تشجيع منك ليكى وعلاقيها على الورقه السابق زكرها
8- طبعا بعد كل ده هتقولولى اهم حاجه فيه اكلات هنجنن وناكلها وسناكس وكده بعد الوزن كلى براحتك بس بعد الوزن واللى يقابلك طول الاسبوع وعايزه تاكليه شيليه ف الفريزر لبعد الوزن ايا كان كيك حلويات اى حاجه
يارب اكون افتدكم واى اسئله انا تحت امركم ف اى وقت
9- اخر حاجه لا تنسون شرب على الاقل لترين من الماى يوميا لانه هو السائل السحرى لانقاص الوزن

برنامجك حلو ويعتمد على التحفيز الذاتي وهذا
أهم حاجة , الله يحقق أماني الكل

اللهم آمين

تسلم ايدك حبيبتنا حياتك أحلى

وربنا يرجعك لينا بالسلامه

الله يخليكم ليا فيتامين وام زوزو

يسلمولى مروركم المعطر حبيباتتى