سنتر حياتك احلى

منتدى نسائى يهتم بصحتك الجسمانيه والنفسيه والدينيه وبعائلتك واطفالك يسعدنا انضمامك الينا
 
الرئيسيةالبوابةاليوميةس .و .جبحـثالتسجيلدخول
حبيباتى اعضاء المنتدى الكرام اتمنى ان يعجبكم اللستايل الجديد للمنتدى
يسعدنا انضمامك الينا عضوه وتمتعى بمحادثة اصحابك على صندوق الشات وممكن ان تصبحى مشرفه على المنتدى اللى تحبيه
سبحان الله     الحمد لله     لا اله الا الله     الله اكبر     استغفر الله العظيم     سبحان الله وبحمده

شاطر | 
 

 تجربتي من 68 إلى 42 خلال ست شهور (منقوووووووووووووووول)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
نورة فوزي
رشيقه فضيه
رشيقه فضيه
avatar

فرحان
انثى
عدد المساهمات : 78
تاريخ التسجيل : 15/02/2010

مُساهمةموضوع: تجربتي من 68 إلى 42 خلال ست شهور (منقوووووووووووووووول)   الأربعاء 12 مايو 2010, 7:43 pm

السلام عليكم ورحمة الله وبركاته...

بناء على طلب اختي الغاليه همس الوحده 20
وباقي الاخوات حبيت انزل تجربتي في انقاص وزني وكيف ماشاءالله نزلت وزني
من 68 إلى 42 كيلووو وكيف صرت مضرب مثل بالنحف بعد السمنه.... كنت اكثر شئ
اعاني منه هو زنودي وصدري ... كرشتي كبيره لكن مو مثل زنودي وصدري...
علماً اني سنوات وانا وزني 60 لكن خلال الفتره القريبه وصلت للـ 65 وصرت
اسوي ريجيمات وانزل إلى الــ60 وبس اترك الريجيم يرجع وزني يزيد وارجع لما
كنت عليه وازود.... من ثلاث سنوات توفى زوجي الله يرحمه ويسكنه الجنه
ونحفت بشكل كبير والله ماادري كم لكن ملابسي وسعت علي مره ... بعد ماخلصت
حداد ورجعت للدوام صرت افطر مع زميلاتي واشرب قهوة واكل حلى (مااحب الحلى
كثير ) لكني اكل منه .وبداء وزني يزيد .


فجأة وبدون مقدمات جاني حب مو طبيعي
للشوكولاته حتى زميلاتي لاحظوا علي هذا حتى صرت اروح المقصف الم لي كم حبة
سنكرس وتويكس ومارس واجلس اكل منها. وحده من زميلاتي قالت صار لي 15 سنه
معك في المكتب ماشفتك تأكلي شوكلاته إلا الآن( سبحان الله من صغري مااحب
الشوكولاته ولا المارس والسنكرز وطقته) لكن مدري شااللي حصل لي ... حتى
العصر اروح ولدي يجيب لي بـ 10 ريال شوكولاتات واجلس اكل فيها. بقيت على
هذا الحال حدود الشهر ... ماحسيت إلا سمنت مره الكل يقول سمنتي اقول شسوي
غصب عني.


في يوم من الايام صارت تطلع في يدي دمامل
وصرت اشرب ماء كثير واروح الله يعزكم دورة المياه كثير.... قالت لي وحده
من زميلاتي حللي سكر ترى هذي اعراض سكر ... والله خفت خصوصاً أنو امي الله
يرحمها ماتت من السكر وكذلك جدتي أم امي وخال امي (عائلة امي الله يرحمها
كلهم فيهم سكر).


قلت خلاص بروح احلل ورحت المختبر في الكليه
وحللت وكانت الصاعقه سكري 190 وأنا صائمه ماأكلت شئ ... قلت بروح احلل في
مكان ثاني مااكلت شئ إلين الظهر رجعت تغديت كالعاده رز وشربت بيبسي( مدمنه
شرب بيبسي وامووووووووووووت في الرز) ولما صار المغرب رحت حللت سكر وصار
208 جاني خوف شديد ... عيالي من لهم بعدي لو صار لي شئ( مؤمنه الحمدلله
بقضاء ربي ) لكن طبيعة الام وخوفها على عيالها.


عيالي ياعمري خافوا علي وصاروا يقولوا لي
روحي الدكتور تأكدي وخوذي علاج... حجزت موعد مع الدكتور ولما اخذ وزني
وطولي ( طولي 155 ... وزني 68) قال لي انتي عندك وراثة سكر في عائلتك
ووزنك مرتفع شئ طبيعي يجيك سكر .... قال لي اول شئ الازم تنزلي وزنك ...
وكتب لي منظم وحبوب سكر ... رحت البيت وأنا افكر لازم اغير حياتي عشان
اعيش مرتاحه ... وحده من زميلاتي ربي يسعدها قالت لي لاتستخدمي العلاج
وعطتني وصفه قالت في اربعين يوم يروح السكر منك ... لكني ترددت لان وصفتها
فيها حلبه وأنا مو ناقصة زيادة وزن.


استخدمت المنظم وصرت اكثر حرص وتركت البيبسي
والحلى وصرت اقلل اكلي ... صرت افطر ع طماطه وخياره و اخذ في الغداء رز
مسلوق في صحن وقطعة دجاج وخضار مسلوقه في الاول كنت اجوع ... صرت كل مره
اقلل من اكلي حتى صار مره قليل وصرت اخذ خضار مسلوقه وسلطه وثلاث ملاعق رز
في الغداء وفي العشاء اكل سلطه وزبادي وبقيت على كذا فتره... بعدين فكرت
اترك الرز تماماً واكل منه فقط يوم في الإسبوع .

كنت اجوع مره وصرت اشرب خلطه عباره عن شاي
اخضر وكمون ونعناع وزنجبيل مره تسد النفس واشرب ماء كثير مايخلي مكان
اصلاً للأكل وكنت لما اجوع مره اكل طماطم وخيار.


امشي كل يوم ساعه (نص الصباح ونص في الليل)
واشرب ع الريق مراميه وخل تفاح مخفف في ماء واخذ معي ترمس قشر قهوة واشربه
كله في الكليه ولما ارجع البيت اشرب الخلطه اللي قلت عنها اول وبقيت على
هذا الحال وصار وزني ينقص والكل لاحظ هذا... بدأت الترهلات ... صرت ادهن
جسمي بزيت زيتون واصعد الدرج وامشي كثير واتمرن ع الاوربتراك والحمدلله
انشد جسمي كثير ...


استخدمت لزنودي كريم الزنجبيل والحمد لله فرقت كثير...

نسيت اقول لكم اني تركت علاج السكر من اول
شهر وقلت خلاص ببقى على الحميه افضل وكل مره اضعف عند الاكل اقول في نفسي
هذي فترة اختبار بصير بعدها مريضة سكر او انسانه طبيعيه. المفاجأة انو صار
سكري ينزل ما يرتفع ولما صرت اروح المستشفى يقول لي الدكتور خذي شئ حلوووو
عندك السكر نازل .. بقيت على هذا النظام (من 15/4/1430 إلى رمضان وصل وزني
50 وبعدها جاء رمضان وصرت اكل زبادي وتفاح اخضر وبرتقال مع يوم في الإسبوع
اكل رز ووصل وزني اخر شهر 10 ... 42

بعد عيد الاضحى صرت اخبص شوي وصار وزني يوصل
مرات 44 واخر مره من اسبوعين صار 45 وبعدها اعلنت الحرب ع نفسي وقلت بيروح
تعبي خساره وبرجع للسمنه وسويت ريجيمي اللي في الرابط ونزلت للـ43.


http://forum.hawaaworld.com/showthre...2340662&page=2

الخلاصه... خلال فتره تجربتي ماسويت ريجيم
معين إلا مره في شعبان سويت ريجيم 7 كيلو في 7 ايام اللي هو يوم فواكه
ويوم خضار ..... ومانزلت إلا 700 جرام .... كل فترة تجربتي كنت اتعشى
الساعه 11 في الليل لكن عشاي يكون أما سلطه أو خضار مسلوقه ولبن.


كنت امشي كل يوم ساعه ... كنت اتحرك كثير
... شربت خل تفاح مع الماء ثلاث مرات في اليوم شربت مراميه ثلاث مرات في
اليوم ... الماء صار جزء من حياتي وزجاجة الماء صارت رفيقتي ... زيت
الزيتون صار كريمي الدائم ...تحديد كمية الاكل وعدم الاكل بين الوجبات
تصغر المعده وتخليك تشبعي بسرعه .. الان صرت لو اكل شوي اكل احس بتخمه
وكنت اول اكل كل الصحن ومااحس بشئ.


جربت خل التفاح مع الزنجبيل دهان وسوى لي بقع بيضاء وتركته.
أعذروني اكتب بسرعه ولما اتذكر شئ برجع اكتبه.

خواتي ليش ننتظر حتى تجينا
هزة عشان نفكر في صحتنا ليش مانفكر فيها من الان... والله اني ندمانه على
كل يوم قضيته وانا عايشة عشان اكل ... الرشاقه لها طعم مايعرفه إلا اللي
عاني من السمنه وصار رشيق...الاكل ماراح يطير خلوا يوم فيه وجبه مفتوحه
واكلوا اللي تحبوه وثاني يوم سوي تخفيف حد الجوع ... نسيت اقول لكم اني
لما كنت اخبص اعاقب نفسي مافي يوم مفتوح وازود المشي وانقص من اكلي ثاني
يوم مع انو اكلي اصلا قليل فصرت حريصه مااخبص عشان ماانحرم من وجبتي
الإسبوعيه.


اهم شئ سووا كنترول
ولاتأكلوا إلا الوجبات الرئسية واللي لها شروط (مافي دهون وسكريات
ومشروبات غازيه والكمية محدده) لأن اكلنا اكثره رغبه بالأكل مو جوع

منقووووووووووووووووووووول للفائدة
الرجوع الى أعلى الصفحة اذهب الى الأسفل
حياتك احلى
مؤسست ومالكة السنتر
مؤسست ومالكة السنتر
avatar

رايق
انثى
عدد المساهمات : 1612
تاريخ التسجيل : 01/02/2010
العمل/الترفيه : مدرسة الكيمياء

مُساهمةموضوع: رد: تجربتي من 68 إلى 42 خلال ست شهور (منقوووووووووووووووول)   الخميس 13 مايو 2010, 5:14 pm

تسلمين يا قمر الموضوع فعلا يحتوى على تجربه رائعه للاصرار لتحقيق الاهداف والرشاقه اعاننا الله على تحقيق اهدافنا



التوقيع
ليكون شعارى

اذا قال لكى احد كلام سلبى التأثير عليكى

قولى لنفسك {رأيك فييا لا يدل علييا ولن يدل علييا}


كونى
انتى المتحكمة فى حياتك , كونى اجمل واجمل داخليا وخارجيا

الاصرار والالتزام والمرونة هى من تعيد لكى الحياة


الرجوع الى أعلى الصفحة اذهب الى الأسفل
 
تجربتي من 68 إلى 42 خلال ست شهور (منقوووووووووووووووول)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سنتر حياتك احلى :: اول خطوه نحو الرشاقه :: رجيمات صحيه-
انتقل الى: